Promotivno putovanje Izlet u Zagreb – Arhitektonski vodič

Istraživački centar za prostor je u subotu, 6.07.2013. realizovao svoj prvi promotivni projekat iz programa projekata putovanja.

Izlet u Zagreb predstavlja prvi, promotivni projekat IC-a, kao njegovo prvo javno i medijsko predstavljanje, koje je prvenstveno imalo za cilj da učesnike izleta, stručnu i širu medijsku javnost, upozna sa radom IC-a, njegovim profilom, idejom, misijom, ciljevima, planovima, programom, te daljim aktivnostima i angažmanom u nekom narednom bliskom vremenu. Izlet je organizovan u saradnji sa Galerijom Klovićevi dvori i Sekcijom mladih Društva arhitekata Zagreb, te je sa bogatim stručnim i umjetničkim programom, zapravo bio pravo kratko studijsko putovanje.

U tek prvom projektu, povjerenje i podršku radu IC-a pružilo je više od 50 učesnika, koji su iskoristili priliku da u samo jednom danu iz prve ruke saznaju detalje o IC-u, posjete i pogledaju izložbu „Remek-djela iz Muzeja Picasso, Pariz“ u Galeriji Klovićevi dvori, posjete sekciju Mladih DAZ-a, prisustvuju predstavljanju projekta „Zagreb– arhitektonski vodič“, uživaju u šetnji Zagrebom uz stručno arhitektonsko vođstvo i živo predstavljanje nekih od značajnih objekata zagrebačke arhitekture. Sve ovo uz neizbježne i nepredviđene, ali redovne avanturističke elemente i bez trenutka slobodnog vremena, jer bogati program i mali tehnički problemi nisu ostavili prostora za predah.

DSC07736

DSC07761DSC07756

Inspirativno i lično nadahnuto predavanje o urbanističkom razvoju grada Zagreba, u prostoru Društva arhitekata Zagreb, u samom centru grada na Trgu bana Jelačića, održao je Luka Korlaet, asistent sa Arhitektonskog fakulteta i autor Vodiča. Inspirisan gostima i „zajedničkim“ jezikom na kojem je govorio, Luka je ukratko stvorio sliku zaista bogate istorije razvoja grada, velikog nivoa javne urbane kulture, te različitih načina i modela kojim se grad štiti kao zajedničko i javno dobro. Visoki kvalitet urbanističkih i arhitektonskih rješenja, koja su u Zagrebu dio dugačke tradicije sa kontinuitetom, već čine dio Zagrebačke škole koju i sam „Vodič“ sa posebnim ponosom predstavlja i promoviše. IC je nakon predavanja iskoristzio priliku da se gostoljubivim domaćima srdačno zahvali, te predstavi kao najbliži partner na nekim budućim, zajedničkim projektima. Kao što su evropski, hrvatski i domaći zvaničnici izjavili na Proslavi prijema Hrvatske u EU, pomoć zemalja EU ka zemaljama van Unije treba da predstavlja obavezu u narednom periodu, pa se intenzivna zajednička saradnja svakako očekuje.

DSC08418

Šetnja je krenula od Centra ban, autora Andrijević, Barić i Dombi, pobjednika pozivnog konkursa, nadomak glavnog gradskog trga, savreme stambeno-poslovne uglovnice kristalične forme, koja plijeni svojim oblikom i fasadom. Sljedeći objekat je Zagrebački plesni centar, u Ilici, proslavljenog studia 3LHD, koji definiše ono što se u urbanizmu jednostavno naziva „mjesto“. Šetnja zatim nastavlja preko Cvjetnog trga i poznatog, kontroverznog objekta stambeno-trgovačkog kompleksa Cvjetni, autora Borisa Podrecce. Nakon savremenog uvoda, vodič stiže do klasika zagrebčke arhitekture, stambeno-poslovne zgrade Kalina, Vjekolsava Bastla iz 1903, koja kao divan primjer secesionističke arhitekture sa fasadom od keramičkih pločica, predstavlja i gagantski bilbord za vlasnikovu fabriku keramike. Odmah naspram nasljednice bečke Majolika kuće Otta Wagnera iz 1898, stoji prvi zagrebački neboder, stambeno-poslovna zgrada Radovan, koji, zatvara ovaj zanimljivi ugao. Objekat se prije svega ističe formom koja je rezultat kompromisa klijenta i grada – u zamjenu za nametnuto povlačenje od građevinske linije, dopušteno mu je da gradi uvis više nego inače. U istom elementu, šetnja nastavlja do Trga Maršala Tita, koji definiše krajnji sjeveroistočni blok zelene Zagrebačke potkovice sa najzanačajnijim kulturnim, obrazovnim i drugim javnim objektima. Samo finale predstavlja obilazak Arhitektonskog fakulteta, kao mjesta koje zaista jeste dostojna Zagrebačka škola! Konačan spektakularni izlazak na krov Fakulteta i predivna panorama grada sa pogledom na prirodnu strukturu koja ga najznačajnije definiše, označava vrhunac, kraj šetnje i kraj arhitektonskog dijela programa.

DSC07831

O arhitektonskom vodiču

Projekat ideje stvaranja Zagreb – Džepni vodič zagrebačke arhitekture 20. i 21. stoljeća pokrenula je Sekcija mladih DAZ-a 2010. godine, uvidjevši potrebu za brzom uvodnom informacijom o arhitektonskim kvalitetama grada pri vođenju brojnih inostranih grupa arhitekata i studenata arhitekture koji su posjećivali Zagreb. Njihova je početna inicijativa na kraju završila u formi vodiča na engleskom jeziku, orijentisanog uglavnom na te inostrane kolege. Vodič na engleskom jeziku  je izdat krajem 2011., a radilo se o sklopivom listu A2 formata koji je na jednom mjestu predstavljao 133 vrijedna arhitektonska djela. Nova hrvatska verzija vodiča, proširena je na čak 179 zgrada. Od svih uvrštenih zgrada njih četrdesetak je izdvojeno, što bi značio da su detaljnije prikazane kratkim tekstom, nacrtom i autorskom fotografijom same zgrade.

Kriterijum odabira uvrštenih i istaknutih građevina tiče se arhitektonske relevantnosti: odabrane su kuće i kompleksi koji su višestruko objavljivani u stručnim knjigama i časopisima, koje su nagrađivane strukovnim i konkursnim nagradama, odnosno oko kojih postoji strukovni konsenzus o kvalitetu. Uvrštene su i neke kuće koje je uredništvo vodiča, odnosno radna grupa koja je na njemu radila, smatrala vrijednim te tipološki inovativnim. Ova edukativna mapa idealan je saputnik za otkrivanje prepoznatljivih, važnih, ali i poprilično nepoznatih i od centra dislociranih uspješnih arhitektonskih dostignuća hrvatskih arhitekata iz recentnog razdoblja, ali i bliske istorije.

nastavak slijedi…

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s